අවුරුදු 11ට අඩු ළමයින්ට ජංගම දුරකථන ලබා නොදෙන ලෙස දැනුම්දීමක්.

වයස අවුරුදු 11ට අඩු ළමයින්ට ජංගම දුරකථන ලබා නොදෙන ලෙසට බ්‍රිතාන්‍යයේ දෙමාපියන්ට එරට සන්නිවේදන නියාමන අධිකාරිය අනතුරු අඟවා තිබෙන බව වාර්තා වනවා.

ඒ අනුව, වයස අවුරුදු පහේ සිට හත දක්වා වූ බ්‍රිතාන්‍ය දරුවන්ගෙන් හතරෙන් එකක් පමණ දැන් ස්මාර්ට් ජංගම දුරකතනයක් භාවිත කරන බවටයි, ඔවුන් මෑතකදී කරන ලද අධ්‍යයනයකින් හෙළි වී ඇත්තේ.

ඔවුන් නිර්දේශ කර ඇත්තේ, දරුවන්ට කෙටි පණිවිඩ යැවීමට සහ ඇමතුම් ලබාගැනීමට පමණක් සීමිත හැකියාවන් සහිත උපාංග සහිත දුරකථන පමණක් ලබා දිය යුතු බවටයි.

එය වයස අවුරුදු 16 ට අඩු යොවුන් පිරිසට මාපිය පාලන විශේෂාංග සහ වයස අවුරුදු 13 ට අඩු අය සඳහා සමාජ මාධ්‍යවල සීමා කිරීම් සහිත දුරකථන ලබාදෙන ලෙසටද දැනුම්දී තිබෙන බවයි එරට මාධ්‍ය වාර්තා වැඩිදුරටත් පවසන්නේ.