ඩුබායිහි වාසය කරන සිය වැඩිමල් සොහොයුරිය වෙත යාම සදහා කටුනායක ගුවන් තොටුපොළ වෙත පැමිණි විශ්රාමික ගුවන් හමුදා සෙබළියකගේ අත් බෑගය තුළ තිබූ ටී – 56 උණ්ඩයක් සොයාගෙන ඇත. ගුවන් තොටුපොළ පිටත්වීමේ පර්යන්තයේ ගමන් මලු පරිලෝකන යන්ත්රය පරීක්ෂා කිරීමේදී ගුවන් තොටුපොළ ආරක්ෂක නිලධාරීන් විසින් ඇයගේ ගමන් මල්ලක තිබී මෙම උණ්ඩය සොයා ගෙන තිබේ.
ඇය කුරුණෑග නිකදළුපොත , හිරිපිටිය ප්රදේශයේ පදිංචි 37 හැවිරිදි විශ්රාමික ගුවන් හමුදා සෙබළියකි .
ඊයේ පස්වරු 05.45 ට ඩුබායි බලා පිටත්ව යාමට නියමිත ශ්රී ලන්කන් ගුවන් සේවයේ යූ.එල්.- 225 දරණ ගුවන් යානය සදහා කටුනායක ගුවන් තොටුපොළ වෙත ඇය පැමිණ තිබුණි .
එහිදී ඇය ප්රකාශයක් ලබා දෙමින් මෙම උණඩය තම අත් බෑගය තුළට පැමිණි ආකාරය පිළිබඳව අවබෝධයක් නොමැති බව ප්රකාශ කර තිබේ .
ඉන්පසුව ඇය සහ මෙම ජීව උණ්ඩය මේ පිළිබඳ වැඩිදුර විමර්ශන කටයුතු සදහා කටුනායක ගුවන් තොටුපොළ පොලිසිය වෙත භාර දීමට පියවර ගෙන තිබුණි .
Leave a Reply