කාලගුණ විද්යා දෙපාර්තමේන්තුව නිකුත් කළ නවතම කාලගුණ අනාවැකියට අනුව බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල අද (26) දිනයේ විටින් විට වැසි ඇති විය හැකි බව සඳහන් කරයි.
එමෙන්ම ඌව පළාතේ සහ අම්පාර හා මඩකලපුව දිස්ත්රික්කවල ස්ථාන ස්වල්පයක පස්වරු 2.00 න් පසුව වැසි හෝ ගිගුරුම් සහිත වැසි ඇති විය හැකි බව ද කාලගුණ නිවේදනයේ දැක්වේ.
මධ්යම කඳුකරයේ බටහිර බෑවුම් ප්රදේශවල, උතුරු, උතුරු-මැද, වයඹ සහ දකුණු පළාත්වල මෙන්ම ත්රිකුණාමලය දිස්ත්රික්කයේ ද විටින් විට පැයට කිලෝමීටර් 30ත් 40ත් අතර තරමක තද සුළං හමා යා හැකි බවට කාලගුණ විද්යා දෙපාර්තමේන්තුව අනතුරු අඟවා ඇත.
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂක පියවර අනුගමනය කරන ලෙස ජනතාවගෙන් ඉල්ලීමක් ද කර තිබේ.
Leave a Reply