කිරිබත්ගොඩ ප්රදේශයේ පිහිටි රජයේ ඉඩමක් සම්බන්ධයෙන් ව්යාජ ලේඛන සකස් කර අලෙවි කිරීමේ චෝදනාවකට ගොදුර වූ හිටපු අමාත්ය මර්වින් සිල්වා මහතා ඇතුළු පුද්ගලයින් තිදෙනකුට, මාස හතරක රක්ෂිත බන්ධනාගාර කාලයක් අවසන්වීමෙන් පසුව ඊයේ (03) ගම්පහ මහාධිකරණය විසින් ඇප නියම කරනු ලැබීය.
ගම්පහ මහාධිකරණ විනිසුරු ඩබ්ලිව්. කේ. ඩී. විජයරත්න මහතා හමුවේ සිදු කළ ඇප අයදුම්පත් සලකා බැලීමෙන් අනතුරුව, හිටපු කැලණිය ප්රාදේශීය සභාපති වෛද්ය ජයන්ත කබ්රාල් සහ නවීන් වීරකෝන් යන අයෙකුටද එක්ව ඇප නියම කරන ලදී.
🔸 ඇප කොන්දේසි අනුව:
එක් එක් විත්තිකරු සඳහා රු. ලක්ෂ 2ක මුදල් ඇපයක්
රු. ලක්ෂ 50ක ශරීර ඇප පහක්
විදේශ ගමන් තහනමක්
සෑම ඉරිදා දිනකදීම අපරාධ පරීක්ෂණ දෙපාර්තමේන්තුවේ පෙනී සිටීම
සාක්ෂිකරුවන්ට බලපෑම් නොකරන ලෙස දැඩි අවවාදයක්
මෙම සිද්ධිය සම්බන්ධයෙන් හිටපු අමාත්ය මර්වින් සිල්වා මහතා 2025 මාර්තු 5 වනදා කොළඹ නාරාහේන්පිටදී අත්අඩංගුවට ගන්නා ලද්දේය. අනෙක් සැකකරුවන් දෙදෙනා අත්අඩංගුවට ගන්නා ලද්දේ කිරිබත්ගොඩ ප්රදේශයේදීය.
Leave a Reply