ගම්පහ රත්නාවලී බාලිකා විද්යාලයේ 78 වන ජන්ම දින සැමරුම් උත්සවය විදුහල්පතිනී වසන්තා කුමාරි මහත්මියගේ ප්රධානත්වයෙන් පෙරේදා (දිනය සඳහන් කළ හැක) විද්යාලයීය පරිශ්රයේදී උත්සවාකාරයෙන් පැවැත්විණි.
ආගමික වතාවත්වලට මුල් තැන දෙමින් පැවැත්වුණු මෙම උත්සවය විදුහල්පතිනියගේ මඟපෙන්වීම යටතේ විද්යාලයීය ආචාර්ය මණ්ඩලය, අනධ්යයන කාර්ය මණ්ඩලය, විද්යාලයීය බෞද්ධ සංගමය සහ සිසු දැරියන්ගේ සක්රීය සහභාගිත්වයෙන් සංවිධාන කර තිබුණි.
මෙදින උදෑසන විද්යාලයීය ආචාර්ය මණ්ඩලය විසින් සම්බුද්ධ පූජාවක් පැවැත්වූ අතර, ගම්පහ ජාත්යන්තර සාම විහාරස්ථානයේ විහාරාධිපති හා බස්නාහිර පළාත් අධිකරණ සංඝනායක ශාස්ත්රපති පූජ්ය තලංගල්ලේ සෝමසිරි නාහිමියන් ඇතුළු මහා සංඝරත්නය විසින් පිරිත් සජ්ඣායනය සිදු කරන ලදී.
එදින මහා සංඝරත්නය විෂයයෙහි සාංඝික දානමය පින්කම පූජ්ය තලංගල්ලේ සෝමසිරි නාහිමියන්ගේ මූලිකත්වයෙන් ගම්පහ ජාත්යන්තර සාම විහාරස්ථානයේදී පැවැත්වුණි. එහිදී විද්යාලයේ ආදි කතුවරුන් සිහිපත් කරමින් පුණ්යානුමෝදනා සිදු කිරීමත්, සියලු දෙනාට ආශීර්වාද පතා ආශීර්වාද පූජාවක් පැවැත්වීමත් සිදු කෙරිණි.
මෙම උත්සව අවස්ථාවට ආදි ශිෂ්ය සංගමය, ආදි ගුරු සංගමය, පාසල් සංවර්ධන සමිතිය නියෝජනය කරන සාමාජික සාමාජිකාවන් ඇතුළු විශාල පිරිසක් සහභාගි වූහ.
Leave a Reply