මහබාගේ පොලිස් වසමේ මහබාගේ නගරයේදී නීති විරෝධී මත්පැන් තොගයක් ප්රවාහනය කරමින් සිටි සැකකරුවන් දෙදෙනෙකු අත්අඩංගුවට ගෙන තිබේ.
මෙම වැටලීම ඊයේ (25) මහබාගේ පොලිස් ස්ථානයේ නිලධාරීන් කණ්ඩායමක් විසින් සිදුකර ඇති අතර, එහිදී කාර් රථයකින් ප්රවාහනය කරමින් තිබූ නීති විරෝධී මත්පැන් ලීටර් 937.5ක ප්රමාණයක් සොයාගෙන ඇත.
පොලිසිය සඳහන් කළේ එම මත්පැන් තොගය බෝතල් 1,250කින් සමන්විත වූ බවයි.
අත්අඩංගුවට ගත් සැකකරුවන් අවුරුදු 27 සහ 32 වයස්වල පසුවන දංකොටුව ප්රදේශයේ පදිංචිකරුවන් බවද අනාවරණය වී තිබේ.
සැකකරුවන් සහ අත්අඩංගුවට ගත් නීති විරෝධී මත්පැන් තොගය සම්බන්ධයෙන් මහබාගේ පොලිසිය වැඩිදුර විමර්ශන සිදු කරමින් පවතී.
Leave a Reply